بسبب ارتفاع درجات الحرارة.. محصول قياسي للمانجو في مصر!
شهد إنتاج المانجو زيادة كبيرة في مصر هذا الموسم مقارنة بالأعوام السابقة بسبب ارتفاع درجات الحرارة نتيجة تغير المناخ مع توقعات ببلوغه مستوى قياسيا وانخفاض الأسعار.
وفي الإسماعيلية، إحدى أشهر مناطق زراعة المانجو في البلاد، ينشغل العمال بجني الثمار وتعبئتها وإرسالها إلى مناطق التخزين إما لنقلها للأسواق المحلية أو للتصدير.
وقال رمضان أحمد محمود، وهو صاحب مزرعة، إن العمل جار على قدم وساق منذ بداية الموسم وحتى الآن في ظل التوقعات بانتهائه مبكرا هذا العام لزيادة كل من الطلب والإنتاج.
وأضاف “موسم المانجه السنة دي كان طارح ومحمل وحلو خالص علشان العوامل الجوية. وبسم الله ما شاء الله، الناس برضو خافت من الأسعار فبدأت تشتغل في الموسم بدري وبدأت تخرج بدري والتصدير اشتغل بدري والمصنع اشتغل بدري. وبسم الله ما شاء الله، الموسم كان هيطول بس إيه هيخلص بدري”.
ومزارع المانجو في مصر هي من بين الأفضل في العالم وتشكل تلك الفاكهة محصولا استراتيجيا للتصدير منها.
وقال المهندس الزراعي سامح حسين لرويترز إن الموسم الحالي شهد زراعة كميات أكبر من المانجو وأصناف أجنبية جديدة أثبتت نجاحها في مصر، مما أدى إلى زيادة الإنتاج وانخفاض التكاليف وبالتالي الأسعار.
وأضاف “أصبح مناخ مصر ملائم لزراعة المانجه، فطبيعي إننا بدأنا نزرع كميات كبيرة من المانجه في مصر. وأفضلهم الأصناف الأجنبية إللي أثبتت جدارة عندنا هنا في مصر، وبدأت مثلا تدي إنتاج كتير، تكلفة قليلة، خدمة قليلة، ولكن الإنتاج بيبقى محترم وأسعار محترمة برضو، مطلوبة تصدير خارج مصر وداخل مصر”.
ويمتد موسم المانجو في مصر من يوليو تموز إلى سبتمبر أيلول من كل عام، ومن المتوقع أن يكون إنتاج هذا العام واعدا على عكس الأعوام السابقة بسبب تحديات الطقس.
وقال المهندس أحمد الحجاوي “موسم المانجه السنة دي كويس جدا بالنسبة للسنين إللي فاتت. وده بسبب درجات الحرارة العالية جدا بس ثابتة عند نقطة معينة. عكس ما كان بيحصل في السنين إللي فاتت. كان الصبح بيبقى حر أوي وبالليل ساقعة أوي، ده خلانا ندخل أصناف أجنبي كتير زي الأوروبية كتير زي الناعومي، الأوستن، الهايدي، الماشنوك، الأصناف دي مع التغير المناخي إللي حصل بقى إنتاجها كل سنة وإنتاجها غزير جدا بعكس الأصناف المحلي”.
وأضاف الحجاوي “محصول المانجه المصري طبعا من أحسن أنواع المانجه على مستوى العالم. فده طبعا محصول استراتيجي بالنسبة لمصر ومطلوب جدا في التصدير لجودة المانجه المصري وطعمها إللي هو نسبة السكريات فيها عالية بالنسبة للمانجه الهندي أو الأجنبي، وطبعا مطلوبة في التصدير جدا فبتساعد في توفير العملة الصعبة”.
